Den store bakedagen!

I dag har vi berre gjort huslege ting som husvask, baking, middag og tur. Ikkje så spanande, men heilt naudsynt. I morgon er det kvardag, så sekken er pakka og vogna står klar til å ta turen til barnehagen igjen... Trur ungane treng å få ut litt energi og vi vaksne treng å bruka hjernen igjen:). Har utan tvil vore herleg å vere saman med ungane masse masse dei siste to vekene.

Vi har forøvrig baka brytebrød og grovbrød i dag, det var heilt fantastisk godt:

Brytebrød (kan laga rundtstykker om du syns det er meir praktisk):

5 dl melk
50 gram gjær
1/2 dl olje
1/2 ts salt
1 spiseskjei sukker/sirup
3 dl fint rugmjøl
8 dl kveitemjøl
2 dl solsikkefrø (kan evt ta i litt linfrø i tillegg)

Bland det våte til ca. 37 grader og ha i fersk gjær (evt. tør, men då ein temperatur på ca. 40 grader)

Bland alt det tørre i ein bolle og spe i det våte!

Deigen skal deretter hevast ca. 30 min på ein lun plass.

Etterpå baker du ut ca. 24 bollar som du set saman til eit stort brytebrød eller lagar ca. 24 rundstykker:)

La heve litt, pensle med egg, steik på 225 grader i 10 - 15 minutt midterst i ovnen.


Gunnhild´s grovbrød:

4 dl øl
5 dl skumma kultur
50 gram gjær
5 dl sirup
1 spiseskjei salt
2 spiseskjeier olje
8 dl samalt rug grov
11 dl kveitemjøl

Bland det våte opp til ca. 37 grader og bland i gjæren.

Bland alt det tørre i ein bolle og tilsett det våte etterpå.

Hevast ca. dobbelt så stor på ein lun plass. Del deigen i to og bak to brød (runde eller vanlege)

La heve litt, pensle med egg, steik dei på 175 grader i ca. 50 minutt nederst i ovnen.

LYKKE TIL!!!!